HUM KIYN MILAY

Aaj market main khasa rash tha. Lagta tha jaysay aaj sab free mil raha hai. Maham bhi apni matloba chezain lay kay akhri shop pay khari apni bari ka intezar karnay lagi. abhi kuch time hi guzra tha kay usay pichay say kisi ki awaz sunai di. kisi nay Maham ko naam lay kay pukara tha. Maham nay baysakta mur kay daykha aur awaz daynay wali khatoon ko pehchannay ki koshish main lag gai. Kay wo khatoon khud agay aain aur pucha “tum Maham ho na?”

Maham nay asbat main sar hilaya to wo khushi say “bolin Maham main Saima houn tumhari school friend” Maham nay ghoor say Saima ko daykha aur yaad anay pay boli “haan kuch yaad aya. Saima tum kitni badal gai ho waqt kuch chahroun ko kitna badal dayta hai.”

Saima nay sar hilatay howay kaha “haan kahin chahray badal dayta hai to kahin yaaddasht hana?” Maham muskurai aur Saima ka hath pakar kay shop say bahar agai. Phir dono aik hotel main gaye wahan sukun mila to Maham nay Saima say pucha “tum nay itnay saalon baad kaysay mujahay pahchana?” 

Saima muskurati hoi boli “main nay tum ko hamaisha yaad rakha tum mairi ekloti dost thi jo bahan jaysi thi aur hai. Waqt nay humhain door kiya tha mager mairay dil say tum ko nahi. Main jab say is shahar main aai houn tum ko her jagah dhoundti rahi. aur aaj daykho tum mil hi gain.” Saima ki baat sun kay Maham nay sar jhuka liya aur kuch dair baad jab sar utaya to us ki ankh main anso thay. Saima nay jo Maham ki ankh main anso daykhay to parayshan ho gai aur boli “arey dear ye kiya tum ro rahi ho? Mairi baat buri lagi?”

Maham nay anso saf kiya aur kaha “nahi Saima mairi ankh is liyah nam ho gain kay kabhi hum 2 jisam aik jaan thay mager waqt bohat bayraham hota hai sath chalnay waloun ki raakh bhi ura kay rakh dayta hai aur kabhi kabhi anjan logon ko sath la kay khara kar dayta hai. Khair tum ye batao itnay arsay main zindagi kaisi guzri?”

Saima nay apna khanay ka order diya aur phir apna hath apnay samnay phela kay apni lakiron ko daykhtay howay boli “bohat kuch houa zindagi main jan. jab mairay papa ki posting Lahore ho gai thi to hum sab bhi chalay gaye ye sab bohat achanak howa tha. Tum ko janay say pahlay batati to tum apni nani kay ghar rahnay gai hoi thi. So hum chalay gaye. Lahore jakay rahtay hum ko 1week howa tha kay papa ka accident ho gaya. Papa ki jan bachanay ki bohat koshish ki gai mager kuch faida na howa. Papa hum ko chor kay chalay gaye. Phir mama nay job ki aur hum bahan bhai ko parhaya. Main 2^nd year main thi to maira aik rishta aya larka jis ka naam Arsalan tha who bohat acha tha her lihaz say so mama nay haan kar di. Aur jald mairi shadi hogai. Hum bohat khush tahy. Allah nay har asaish di the mager olad na thi 3 saal guzray to susral waloun nay batain sunana shorun kar din. Hum nay bohat ilaj karwaya mager Allah ko yahi manzor tha. Arsalan logon ki baat ko khater main nahi latay thay. Aur log batain bananay say baaz nahi aatay thay. akhir kab tak Arsalan ko bhi phir logon ki baton main sachai nazar anay lagi. Arsalan ko saas nay dosri shadi pay uksaya. Arsalan man gaye aur mujhay bataya. Main nay mana kiya to mujh say kaha gaya kay mard ko 4shadiyn ki ijazat hai wo karain gay. main nay sabar kiya aur phir kuch na booli. Mager main nay us orat ko nahi daykh jis say Arsalan shadi karnay ja rahay thay. Jaisay mairi shadi pay ghar main tayarin hoi thin waisay hi Arsalan ki dosri biwi kay liyah hoin. Main ye sab bardasht nahi kar sakti thi so ghar chor kay apni ammi kay ghar agai.  Arsalan nay dosri shadi ki aur mujhay bhool gaya. Main nay sab Allah pay chor diya. Kuch din baad mujhay talaq kay kaghzat milay. Arsalan nay mujhay hamaisha kay liyah apni zindagi say nikal diya tha. Phir Arsalan kay sath kiya howa nahi pata mager main nay khud ko nahi totnay diya aur apna business start kiya. Aj main aik kamiyab business women houn.”

Saima khamosh hoi to Maham boli “tum ko tallaq Arsalan nay apni dosri biwi kay kahnay pay di Saima kiyn kay wo apnay shohar pay kisi aur ka haq bardasht nahi kar sakti thi. Is baat ki saza us dosri orat ko mili aur Allah nay usay bhi olad ki naimat say mahroom rakha.  2 saal baad olad na honay pay jo kuch Arsalan ki pehli biwi ko sahna para tha wahi kuch dosri biwi ko bhi sahna para. aur usay bhi tallaq mil gai.”

Saima Maham ki baat sun kay saktay main agai aur beakhtiyar puch baithe “tum ko ye sab kaisay pata?”

“tum janti ho Arsalan ki dosri biwi ka naam?” Maham nay sawal kay jawab main bhi sawal kar diya.  Saima nay nafi main garden hilai to Maham boli “us larki ka naam hai Maham. haan main houn Arsalan ki dosri biwi. Tumhari khushyn ki qatel. Main nay apni hi jan say pyari dost ka ghar barbad kiya. Mager main ye baat nahi janti the. Arsalan aur us kay ghar walun nay ye baat hum say chupai kay Arsalan pahlay say shadi shuda hai. Ye sab mujhay baad main pata chala to main nay Arsalan ko kaha kay wo apni pahli biwi ko chor day. Aur us nay aisa hi kiya. Mujhay maaf kardo.”  Saima gum sum Maham ko daykhay gai aur phi khamoshi say uth kay bahar chali gai aur Mham main itni taqat na the kay usay rook sakti.

ALLAH DEIKH RAHA HAI

Uzair samandar kay kinaray khara soch raha tha kay “ye samandar ka zarf bhi kitna wasi hai. kiya kuch apnay andar samait kay bhi kitna pursukon hai aur aik main houn zara sa bhi dukh khud main nahi chupa sakta”

Uzair ka dimagh mazi ki yadoun main ulajh gaya. (Uzair ki mama ka intekal usi waqt hogaya tha jab Uzair dunya main aya. Aur mama kay baad papa nay us ko pala. Uzair say bari aik bahan thi Sadaf. Papa nay kabhi apnay 2no bachoun ko maa ki kami na mahsos honay di. Sadaf aur Uzair ko apnay papa pay bara ghoror tha. Isi tarhan din guzray Sadaf 9^th aur Uzair 7^th class main pohanch gay. In kay papa Arman sahib ko apnay bachoun say bohat muhabbat the yahi wajhay the kay unho nay dosri shadi na ki.

Phir arman sahib kay khandan main kisi ki shadi the to Arman sahib bachoun kay sath shadi main sharik howay. Wahin aik khatoon nay Arman sahib ko pasand karliya aur Kisi bahanay say un ka number bhi lay liya. Phir to rooz wo khatoon Arman sahib ko phone kartin aur Arman sahib un ko bahana bana kay khuda hafiz kah daytay. Mager akhir kab tak wo mard thay aur un kay sinay main bhi dil tha. Akhir kab tak khud ko roktay aur apni jazbat pay kabo rakhtay wo bhi un say baat karnay lagay. Aur yahi baat agay chal kay muhabbat main badal gai. Un khatoon ka naam Shaziya tha aur un ko shaaz kahtay thay. Shaaz nay jab daykha kay Arman sahib apnay bachoun ki wajhay say un ko zara door rakhtay hain to Shaaz nay un say un kay bachoun kay baray main baatain kin aur fikarmandi zaher ki kay maa kay bina bachoun ka kiya hoga, Arman sahib nay jab un ki bachoun main ye dilchasbi daykhi to khush ho gaye. Aur phir Arman sahib nay bachoun say Shaaz aunti kay baray main baat ki. Pahlay to Uzair aur Sadaf na manay mager phir papa ki tanhai ka khayal kar kay maan gaye. aur jald Arman sahib aur Shaaz aunti ki shadi ho gai aur wo Shaaz unti kay bajaye mama ban gain.  

Shorun main to new mama nay dono bachoun pay bohat pyaar nichawar kiya. Mager phir 2 month baad wo apni asliyat dikhanay lagin.

Baat baat pay Uzair aur Sadaf ko dant tin aur aik do baar to Sadaf pay hath bhi uthadiya Mager Uzair aur Sadaf nay is baat ka zikar papa say na kiya kay un ko taklif hogi.

4 month baad papa ka accednt ho gaya. aur wo Allah ko pyaray ho gaye.

Papa kay intekal kay baad new mama nay to Uzair aur Sadaf pay zulam kay pahar toor diye. Sadaf ki zabardasti 40 saal kay admi say shadi kardi aur Uzair ko aik company main laga diya. Uzair bahan kay janay kay baad akhir kab tak zulam sahta us nay bhi ghar chor diya aur company ki taraf say milay ghar main agaya.  Uzair nay bahan ki khabar bhi rakhi. Uzair ko pata chala kay Sadaf ka shohar us pay zulam karta hai to Uzair apni bahan ko lay aya. Kuch din baad Sadaf ko talaq kay kaghzat mil gaye. Dono bahan bhai aik dosray ka sahara banay pursokun zindagi guzarnay lagay. Din guzartay gaye aur 5 saal guzar gaye aaj Uzair kay paas sab kuch tha paisa ghar gari her cheez bs maa baap nathay.

Kisi kay zaryae in dono ko pata chala kay Shaaz mama ko un kay dosray shohar nay dolat kay liye maar diya aur sab kuch harap kar gaya. Uzair nay kaha “Shaaz ko us kay kiye ki saza mil gai. Bay shaq Allah kay ghar dair hai andhair nahi.”

Uzair abhi samandar ki mojoun ko dakh kay yahi soch raha tha kay achanak usay awaz sunai di “Allah kay naam pay day day baita”

Uzair ko ye sada wapas lay aai. Uzair nay chand rupay jaib say nikal kay baba ko diye aur khud apni nmanzil ki taraf chal para.

DOSTI

Sana namaz e fajar say farigh ho kay Quran ki tilawat main masrof thi.

Ye Sana ka rooz ka mamool tha who panchoun waqt ki namaz parha karti aur Quran ki tilawat karti the. Is kay baad wo nashtay aur ghar kay kamo main masroof ho jati. (Sana apnay maa baap ki akloti olad the. Aur kirdar aur guftar main aisi the kay her koi apni baitiyn ko us ki missal dayta aur Sana kay maa baap ko bhi apni baiti pay fakhar tha. Sana M.A part 2 ki studnt the). Aik subha Sana namaz e fajar aada kar rahi the kay usy mahsos howa kay jaisay koi aur bhi us kay sath namaz ada kar raha ho. Sana samjhi maa hain. namaz say salam phair kay jo daykha to koi na tha. Sana nay isay apna waham samajh kay dimagh say nikal diya mager jab Sana Quran ki tilawat karnay lagi to bhi usay aisa laga jaisay koi us ko sun raha hai. Tilawat khatam kar kay Sana nay daykha to aas paas koi  na tha. Who jai namaz rakh rahi the to us ki nazar diwar pay chipki chipkali pay pari. Jo Sana ko hi daykh rahi the. Sana nay aisay hi usay mukhatib kar kay kaha “kiya madam namaz bhi ada ki aur tilawat bhi suni mager Subhan Allah na kaha.”

Ye kah kay Sana baher chali gai. Din bhar kay kamon main Sana aisi masroof hoi kay usay ye baat bhool gai. Mager aik baat Sana nay note ki kay aaj jitna bhi kaam tha sab asani say aur bina Sana ko thakaye ho raha tha. Isi liyah Sana nay aj izafi kaam bhi kar liya jaisay kapray dhona waghaira.

Dosray din bhi Sana namaz parhnay khari hoi to wahi kal wali feeling hoi. Tilawat khatam ki to aik barik si awaz sunai di “Subhan Allah”

Sana nay mur kay daykha koi na tha aur ye awaz ghar kay kisi fard ki bhi na the na baba ki na maa ki. Sana nay dewar pay chipkali ko daykha aur us say boli “main janti houn ye tum ho kitna acha ho kay tum jo bhi ho apnay roop main ajaya karo aur hum sath namaz ada kiya karain.”  Sana janay lagi to wohi barik awaz aai “tum maira asli roop nahi daykh saktin dost. main insan nahi houn aur tum insan ho nazuk dil wali larki. tum apnay taraikay say ibadat karo aur main apnay. Hum aaj say dost hain. Tum ko jab kisi chez ki zarorat ho mujhay batana. Bs maira zikar kisi say na karna”

Sana nay hami bhar li. Phir roz who dono subha sath ibadat kartay aur sana us dost ko sab batain batati. Aur dost say mashwara karti. Dost bhi achay mashwaray dayti . isi tarhan din guzartay rahay. Dost Sana kay liyah qimti gift bhi bhaijti. 

Aik din Sana kay mun say baton baton main maa kay samnay  us dost ki baat nikal gai. Maa nay kuch na kaha bs aglay din maa chup kay Sana ko daykhnay lagi aur phir un ko sab pata chal gaya. Sana ko na pata tha kay maa aisa karain gi kiyn kay maa nay dosri subha Sana kay uthnay say pahlay us chipkali ko maar diya. Jab Sana uthe to namaz kay liyah to us ko chipkali kahain na mili. Bs diwar pay khoon say likha tha. “Alwida dost. main nay kaha tha kisi ko na batana mager tum wada pura na kar sakin. Jao tum khush raho aur isi tarhan tilawat karo”

Sana khob rooi mager kiya ho sakta tha jo galti wo kar chuki the us ki saza to milna the.

DOSRA ADMI

Maham dost ki shadi say jab wapas aai to bohat khush the. Aur kiyn na hoti akhir shadi main aik khatoon nay maham ko apni baiti bana liya tha. (Maham apni 6 bahno main 3number pay the. Koi bhai na tha. Maham kay baba aik private farm main job kartay thay. In ki family sharif aur safaid posh the. Maham 2^nd year ki student the.)

Maham nay dosray din subha nashtay pay ye baat ammi ko batai kay raat shadi main aik khatoon nay usy apni baiti banaliya hai. Ammi nay maham ko sarzish ki aur kaha ‘tum un ko nahi janti ho bs aik mulaqat main koi kisi ghair larki ko baite aur maa kaisay bana sakta hai?’ Maham nay jawab diya “ammi wo daykhnay main hi nihayat sharif lag rahi thin aur unho nay mujhay sab bataya kay un ki koi olad nahi hai. Aur isi wajah say un kay shohar nay un ko choor diya hai. Ab bichari tanha rahti hain.”

Maham ki baat sun kay ammi nay Maham ko aik baar aur samjhana chaha “baita jo saga hota hai wo saga hota hai. Anjanay log bs dua salam tak hi thek hain. Tumhari tarbiyat kiya main nay thek nahi ki jot un aik ghair orat ko bhi maa banana chahti ho?’

Maham nay kaha “ammi ye baat nahi hai aap bohat achi maa hain. Main to bs un sahiba ka dukh halka karna chahti the. Ager kisi ko hamari zaat say chand lamhay khushi milay to kiya burai hai? Ammi aap ki tarbiyat baimisal hai aur isi bina pay aap ko apni baiti pay pura bharosa hona chahay”

Maham ki ammi kisi had tak maan gain. Pher dosray din Maham college ka kaam kar rahi the kay wohi aunti again. Mahan un ko dakh kay hairan rah gai. Wo ghar again  thin . aunti ammi say aur bahno say milain. Aunti nay apna naam gohar bataya. Gohar aunti say mil kay ammi ko zara tasalli hoi kay wo achi khatoon thin.

Gohar aunti nay maham ko aik mobile phon gift kiya  jisy lay kay maham bohat khush hoi.

Ab maham aksar gohar aunti say phon pay baat karti ya wo khud call kar laytin. Isi tarhan din guzartay gay. Gohar aunti dil jitney ka fun janti thin.

Aik din Maham college main thi kay halat kharab ho gay. Her jagah firing honay lagi.

Maham nay ghar phon kiya takay halat jan lay mager us ki ammi nay bataya kay un ki taraf to halat bohat kharab hain. Maham ki ammi nay Maham ko kaha kay wo Gohar aunti ko bula lay aur un kay sath un kay ghar chali jaye. Maham nay aisa hi kiya. Kuch hi dair main Maham Gohar aunti kay ghar mojod the. Gohar aunti nay Maham ko khanay kay baad aram ka kaha aur usy room dikhaya. Maham room main agai aur aram karnay ko lait gai. Abhi Maham ki ankh lagi hi the kay usy room ka darwaza khulnay ki aur pher kisi kay chalnay ki awaz sunai di. Maham nay ankh khool di. samnay aik admi Maham kay bed pay baitha tha aur Maham ko daykh raha tha. Maham uth kay baith gai aur boli “t….tum kon ho?” wo admi hansa aur bola “main diwana houn tum jaisi larkion ka”

Mahan nay gohar aunti ko awaz di mager wo admi aik baar pher zoor say hansa aur bola “arey jan tumhari aunti abhi hum ko disturb nahi karain gi. Un ka kaam pura ho gaya ab hamari bari hai.”

 “kiya matlab?” Mahan nay pucha

“matlab ye kay tum ko aur bohat si larkiyn ki tarhan yahan tak lana un ka kaam tha. Ab phal khana hamara hai” wo khabis admi Maham kay gallon ko chotay howay bola.

Maham nay usay dhakka diya aur bhaag kay darwazay kay paas agai. mager darwaza band tha. Itnay main Maham ko apnay kandhoun pay us ka hath mahsos howa aur dosray hi pal Maham bed pay the. Aur pher us shakhs nay Maham ko sambhalnay ka moka nahi diya.

3hr baad wo admi room say bahar nikla aur Gohar aunti jo shitani muskurahat leye us ka intezar kar rahi thin bolin “kaho Zain kaysi lagi aaj ki shaam?”

wo bolay wah bibi maza agaya Aur pher wo Gohar jin ko us ny bibi kaha tha paisay day kay chala gaya. Maham bed pay pari apni qismat pay anso baha rahi the. Kay Gohar aunti kamray main aain. Aur Maham say bolin “ab utho nahaw tayar ho jaw ghar choor aati houn tum ko” Mahan foran uth baiti aur chikh kay boli “nahi nahi jana mujhy ghar main ab wahan kay qabil nahi houn. Mujhay maar do plz”

Gohar aunti Maham ki baat sun kay muskurain aur kamray say bahar nikal gain. Maham uthi aur apnay wajood ki kirchiyan sambaltay howy bathroom main chali gai.

Jab wapas aai to Gohar aunti again the aur un kay sath aik dosra admi tha Maham nay un ki baat suni to usay pata chala kay Gohar aunti nay Maham ko us admi kay hath baich diya tha. Maham rooti rahi mager wo admi Maham ko zabardasti apnay sath lay gaya. Aur Gohar aunti apnay naye shikar ki talash main dosray elakay koch kar gain.

ZINDAGI

Sana shadi kay baad ki muhabbat pay yakin rakhti thie. Wo apni doston ya cousins ko apnay apnay　lovers say baat kartay daykhti to usay chir hoti. Sana kay liyah shadi say pahlay ki muhabbat aik dhoka thei jhoot aur waqt ka ziyan bas.
Sana ki family kafi mukhtasar the mama, papa, sister, sana. Sister ki shadi ko 2 saal ho gae thay aur who apnay ghar main bohat khush thin. Sana 2nd year main parhti thi. Us kay mama papa ko sana kay liyeh ab aik achey larkay ki talash thi.
Aik din sana jab college say ghar aai to us nay ghar main ghair mamuli chahal pahal daykhi. Jesay koi khaas mahman aanay wala hai. Aur pher sana ko us ki mama nay bataya kay sana ko dekhnay kay liyah larkay walay aur khud larka bhi araha hai. Sana ye sun kay khush ho gai aur pher wo waqt bhi agaya jab larkay walay agaye. Sana ki mama papa ko larka (arsalan) bohat pasand aaya. Unho nay bhi sana ko pasand kar liya. Aur chat mangni aur pat biyah wali baat hogai. Sana arsalan kay ghar us ki biwi ban kay agai. Arsalan nay apnay aur sana kay rehnay kay liyah alag ghar liya tha takay wahan koi un ko disturb na karay.
Tamam rasmon say farig ho kay sab apnay apnay gharo ko rawana ho gae. Sana dulhan bani apnay room main apnay dulhay ka intizar kar rahi thi us nay hazaro khuwab ankho main sajai thay. Aur phir arsalan room main aageya. Arsalan sana kay pas baitha. sana nay　 apna sar mazid jhoka liya. Arsalan nay sana ka sar uthaya aur bola "jan aaj ye pal bohat qimti aur khubsorat hain. Hum in ko baton main zaya nahi kartay. Batain to subha ho jain gi. Aao hum apni nai zindagi ka aghaz bepanah pyar say karain."
Sana ko arsalan kay mun say ajeeb si boo aai. Sana nay nazrain utha kay daykha to arsalan ki ankhain laal aur lahja nashay main dhoot tha. Sana ko aik lamha bhi na laga ye samajhnay main kay arsalan nay sharab pi hoi hai aur wo mukammal nashay main hai. Sana nay arsalan ka hath apnay chahray say hata diya. Aur sambhal kay baith gai.
Arsalan ko sana ka hath hatana bura laga aur us nay sana ka hath pakar kay sana ko aik jhatkay say apni taraf khincha sana totay howy pattay ki tarhan us kay bazo main agiri. Arsalan nay apni bahain sana ki kamar kay gird hail kar din. Sana puri tarhan arsalan kay akhtiyar main thi. Arsalan bola "jan　tum mairi ho sar say paon tak mairi. Main jaisa bhi houn tum ko mairay paas aana hoga chahy tum chaho ya na chaho."　 Arsalan nay sana ko bed pay gira diya aur us ka dopatta khainch kay utar diya.　Bed kay sarhanay rakha lamp of kardiya.
Her suhagan kay dosray din ka aghaz khushyon aur muskurahatoun say hota hai mager sana ki subho ka aghaz dukh aur taklif say howa. Arsalan insan kay roop main janwar tha aur is ka pata sana ko aik raat main chal gaya tha.
Pher din guzartay rahay arsalan sharab pita tha aur larkiyn kay sath shamain gizarta tha. usay sana ki koi fikar　na thi bs usay sana apni bhook mitanay aur hawis pori karnay kay liye chaheyeh thi.
Sana sab kuch bardasht kar rahi thi chup chap. Ager sana arsalan say alag honay ka faisla karti to usay apnay mama papa ka khayal ajata　us kay mama papa khandan main badnaam ho jatay.
Aik din to had ho gai arsalan raat ko dair say ghar aaya aur 3 dost bhi sath thay. Unho nay ghar atay hi shoor sharaba shuro kar diya gana bajana dansce sab kuch. Sana namaz parh rahi thi. Jab namaz say frig hoi to arsalan aaya aur sana ko tayyar hokay baher　aanay ko kaha. Sana arsalan kay janay kay baad tayyar hoi.　Jab baher aai to usay arsalan ki awaz sunai di wo apnay dosto ko keh raha tha kay "yaar sana qayamat hai sar say pair tk us kay sath kch bhi karnay main bara maza ata hai. Aati ho gi tum khud dakh layna kiya jisam hai kiya jawani hai....." is say pahlay kay arsalan kay mun say kuch aur nikalta aik zoor dar thappar us kay mun pay para. Arsalan nay mun pay hath rakh kay nazar uthai to daykha samnay sana khari thi. Sana ka chahra ghussy say laal ho raha tha. Arsalan nay sana ka hath pakra mager ye kiya sana ka hath aik baar aur utha aur arsalan kay dosray gaal pay nishan choor gaya. Sana ghussy say gorrai "kaminay insan apni biwi ko doston kay samnay paish karta hai galti hoi kay main tairi her baat khamoshi say bardasht karti gai　ager tairi maa behan yahan hotin to apnay doston kay samnay un kay jismo ki bhi aisay hi tariff karta? Tujh jeysay insan ko tawaifo say shadi karni chaheyeh hum jaisay sharifo say nahi. Main aik pal bhi ab tairay sath nahi rah sakti. Main ja rahi hun. Tallaq kay papers bhijwadena warna mujhay tujh jeysay insan say jan churanay kay aur bhi tarikay aatay hain. Tu nay kha liya mujh ko noch dala tu insan nahi gidh hai." phir sana arsalan kay dosto say boli "tum log zara apni behno ko lakay do isay tum jesay jeson kay liyah kiya haram kiya halal."　
Sana usi waqt chali gai. Sana nay apnay ghar walo ko sab batadiya unho nay bhi arsalan ko bura kaha aur sana ko tasalli di. phir 3 din baad sana ko talaq nama mil gaya. Sana say milnay us ki dost aai to dost nay sana ko kaha "sana main nay shadi say pahlay muhabbat ki aur main khush na reh saki aur tum nay shadi kay baad muhabbat ka khuwab daykha mager afsos tum bhi khush na rah sakin. Baat pehlay ya baad ki muhabbat ki nahi hai baat qismat ki hai Shayed hamari qismat main yehi tha. Khuwab daykhna achi baat hai mager khuwab puray hon zarori nahi. Aabhi puri zingadi pari hai kisi na kisi ki jagah koi na koi lay hi layta hai. Hamen dua karni chahye kay ab jo ho hamaray liye acha ho.
Sana nay sar hiladiya.　Aur khirki kay paas aakay khari ho gai takay bahar say aati hawa ko apnay ander utar kay andar ki jalan kam kar sakay.

MOHABBAT KI QABAR

Aik chotay say gaaon main rehnay wala salman na jany kin khayaloun main magan hath main aik gulab ka phool liey sar ko jhokaey baitha tha. pas hi aik bhottay wala thaila lagaey gahak ka muntazir tthailay wala kafi dair say salman ko isi halat main dekh raha tha. jab kafi time guzar gaya to tthailay walay say na raha gaya aur wo salman kay paas aakay baith gaya. aur salman kay kandhay pay hath rakh kay bola "tum kon ho aur itni dair say yahan kiyn baithay ho?" salman nay apna jhuka huwa sar uthaya aur us ajnabi admi ko daykha aur bola" mujhay muhabbat nay yaad na rahnay diya main kon hun. yahan is liyah baitha hun kyun kay ye wohi jagah hay jahan main nay apni muhabbat ko pahli baar daykha aur ye jana kay muhabbat kiya hoti hay. ye wohi jagah hai jahan main nay apni muhabbat kay sath aik sath jinay aur marnay ki qasam khai the. aur kal isi jagah main nay apni muhabbat ko luttay daykha. kisi aur kay sath jatay daykha. ye keh kay salman nay hath main pakra phool ajnabi kay chahray kay samnay karty howay kaha "ye phool main us kay liye laya tha jo is say ziyada haseen thi.magar main usy na day saka. wo kisi aur kay sath chali gai jo shayad mujh say bahtar tha" ye keh kay salman nay phool ko footpath ki kachi matti main daba diya aur bhutty walay kay thailay say aik gata jo shayyad wo pankha hanknay kay liyah rakhta hoga liya aur apni jaib say pen nikal kay us gattay pay likha (muhabbat ki qabar) aur jahan phool dafnaya tha wahan lagadiya. aur kuch dair anso bahanay kay baad wahan say chala gaya. aur pher thailay walay nay daykha kay muhabbat ki qabar pay rooz aik phool ka izafa gota jata tha gaya sub muhabbat karnay walay apni muhabbat ko isi qabar main dafnanay lagay thay. (by Saba)

NEELI ANKHEN

Maira naam sana hai. Main aaj 55 baras ki hogai hon. Mairy 4 baity hain aur wo bhi bal bacho walay hain. Din bhar kay kamo say farig hoky main raat jab room main aai to dil nay mazi kay daricho ko kholna chaha… Magr dimag ny mazi ky drwazay band rakhny pay israr kia. Akher aik jang ky bad dil jet gaya. Main bed say uth ky bahir taris pay aagai aur aik chair pay bhaith gai. Ankh band hoi to mazi aik film ki tarhan samnay aagaya… "Mujhy hamaisha sy neli ankhain pasand thin. Shayad is lye ky aik bar main ny khwab main neli ankhain daykhe to dadi amma nay btaya ky mairi shadi jis larky sy ho ge us ki ankhain neli honge. Mujhy in neli ankho sy ishq hogaya. Main Allah sy dua krti ky mujhy neli ankho ka sath hamaisha ky lye dayna. Aur phr maira aik jagah sy rishta aya. wo log achy the parhy likhay aur larky ki ankh bhi neli the... Mairi to khushi ki inteha na the. Mama papa dadi sb khush thy. Phr mairi shadi hogai. Shadi ki rat jb rom main main aur maira shohar (salman) thy aur salman mairi tarifo ky pul bandh raha tha us waqt main ny hemmat kr ky apni nazrain uthain aur hamari nazrain milin aur phr mairi ankh jhapakma bhol gai... Salman ki ankhain neli nai blky kali thin. Ye kaisy ho sakta hai main ny socha. Mama papa khud main ny daykha tha salman ki ankho ko. khair salman mairi paryshani samajh gaye aur muskura ky boly" sana mairi ankhain kali hain in ko nela main ny srf tmhain pany ky lye kia tga. Main tm ko boht chahta hon. Aur tm ko main hamaisha khush rakhon ga. Aur yahe howa salman ny mujhy boht khushyan din ky main neli ankhain bhol gai. Hum boht khush thy. Phr Allah ny hamain 4 betay diye aur khuda ki kudrat un ki ankhain neli hain. Phr salman ka intekal hogaya aur mairy beto ny maira sath dia . Aj mujhy apni dua yad ai ky ya allah mujhy neli ankhon ka sath hamaisha ky lye dayna. Aur aj aisa hai.